Prokuroria ndalon një person të kërkuar nga INTERPOL-i

Përmes raportit 24-orësh, Prokuroria ka bërë me dije se ai është i kërkuar për veprën penale “Falsifikim i dokumenteve”

Prokuroria Themelore e Prishtinës ka njoftuar se ka ndaluar një person të kërkuar nga INTERPOL-i.

Përmes raportit 24-orësh, Prokuroria ka bërë me dije se ai është i kërkuar për veprën penale “Falsifikim i dokumenteve”.

Përveç tij, është ndaluar edhe një person tjetër nën dyshimin se ka kryer veprën penale “Dhunë në familje”.

“Prokuroria Themelore në Prishtinë, Departamenti i Përgjithshëm, gjatë 24 orëve të fundit, me urdhër të prokurorit kujdestar, ka ndaluar për 48 orë një (1) person, pasi që i njëjti dyshohet se ka kryer veprën penale “Dhunë në familje”. Ndërsa, Departamenti për Krime të Rënda, me urdhër të prokurorit kujdestar, ka ndaluar një (1) person të kërkuar nga Interpol-i, për veprën penale “Falsifikimi i dokumenteve’”, thuhet në raportin e Prokurorisë.

---