Angela Merkel, gruaja më e fuqishme në botë për 2019, sipas “Forbes”

“Forbes” ka renditur Angela Merkel-in si gruan më të fuqishme për vitin 2019

Kancelarja e Gjermanisë, Angela Merkel, u rendit e para në listën e Forbes 2019, ndërsa ndiqet nga kryetarja e Bankës Qendrore Evropiane, Christine Lagarde, nga Franca, dhe kështu lista vazhdon me Kryetaren e Dhomës së Përfaqësuesve të SHBA-së, Nancy Pelosi, transmeton albinfo.ch.

Vlen të thkesohet se Angela Merkel u vlerësua për qëndrueshmërinë e saj, për qëndrimin përballë Presidentit të SHBA-së, Donald Trump dhe për politikën e saj kundrejt refugjatëve për të hyrë në vend mes krizës së emigrantëve që prej 2015.

Po ashtu, media dhe opinionistët e kanë cilësuar Merkelin si lidere “de fakto” e Bashkimit Evropian, por edhe si udhëheqëse e “botës së lirë”.

 

Renditja e Forbes për 2019:

 

-Angela Merkel, Kancelarja gjermane

 

-Christine Lagarde, drejtuese e Bankës Qendrore Evropiane

 

-Nancy Pelosi, Kryetare e Dhomës së Përfaqësuesve të SHBA-së

 

-Ursula von der Leyen, Presidente e Komisionit Evropian

 

-Mary Barra, CEO e General Motors

 

-Melinda Gates, Bashkëkryetare e Bill & Melinda Gates Foundation

 

-Abigail Johnson, CEO e Fidelity Investments

 

-Ana Patricia Botín, Kryetare Ekzekutive e Santander Botín

 

-Ginni Rometty, CEO e IBM Gruaja e parë që drejtoi kompaninë

 

-Marillyn Hewson, CEO e Lockheed

---