Infermierja shqiptare rrëfen për realitetin jo të lehtë në Gjermani

Infermierët shqiptar nuk janë të kënaqur me punën në Gjermani

Kërkesat për infermiere në Gjermani janë vazhdimisht në rritje. Jo pak vijnë nga Shqipëria dhe Kosova, e po ashtu edhe nga vendet e tjera të Ballkanit, transmeton albinfo.ch.

Duket se infermierët e ardhur në Gjermani shumë shpesh kanë vështirësi në integrimin e tyre në të përditshmen e punës dhe në mënyrë të veçantë, parashikimet e pagës në raport me shpenzimet.

Këtë e tregon edhe Ruzhdije Cerka, e cila ka shkuar në Gjermani si infermiere nga Shqipëria.

Ajo duket se nuk është e kënaqur nga të ardhurat e një pune si infermiere, ani pse në fillim oferta i është dukur tërheqëse dhe paga relativishtë e lartë.

Fillimi, për të, në Gjermani nuk ishte aspak i lehtë. Ajo është një nënë, e cila ka provuar një eksperiencë të re në Gjermani dhe flet për jetën e saj atje.

“Para se të vija në Gjermani, rroga e infermieres m’u duk e lartë, por paga që ofrohet në raport me shpenzimet nuk mjafton, për arsye se jeta në Gjermani është e shtrenjtë”, rrëfen ajo.

Më poshtë keni një video-rrëfim nga Deutsche Welle:

https://www.facebook.com/dw.shqip/videos/2828297790565286/

---