Protestuesit në Iran: Qassem Soleimani është vrasës

Protesta e mijëra iranianëve në Teheran e qytete të tjera gjatë ditës dhe mbrëmjes së sotme i ka dhënë një goditje propagandës së regjimit lidhur me eliminimin e Qassem Soleimani-t, shkruan Top-channel.tv

Protestuesit thërrisnin “Soleimani është vrasës, lideri i tij, Ali Khamenei është gjithashtu vrasës”, duke grisur fotot e Soleimani-t.

Ata i mbajnë përgjegjës IRGC-në dhe udhëheqësit e regjimit për krime në Iran dhe bënë thirrje për heqjen e tyre nga pushteti.

Raportet e rrjetit të MEK në Iran për protestat e sotme tregojnë ndjenjat e vërteta të iranianëve dhe e vërtetojnë qartë edhe një herë faktin se Irani është një fuçi baruti dhe se populli iranian nuk do të ndalojë deri sa të ketë ndryshim regjimi. Pas protestave antiregjim të nëntorit në 191 qytete të Iranit, ku regjimi vrau mbi 1500 protestues dhe arrestoi 12000 njerëz, dallga është kthyer kundër regjimit në tërësinë e tij, përcjell Albinfo.ch.