Edon Zhegrova shënon supergol, ia dhuron skuadrës së tij fitoren

Zhegrova shënon gol në pesë minutat e fundit

Ylli kosovar i Baselit, Edon Zhegrova, ia dhuroi skuadrës së tij fitoren në ndeshjen miqësore kundër klubit rumun FCSB me një gol të bukur, të shënuar pesë minuta para fundit të ndeshjes.

Tani që është mbyllur pjesa e parë e sezonit të Superligës zvicerane, klubet janë në pushim dimëror dhe për t’i mbajtur lojtarët në formë po organizojnë ndeshje miqësore.

E tillë ishte edhe ndeshja e zhvilluar sot mes Baselit dhe FCSBK në stadiumin Antonio Lorenzo Cuevas në Marbella të Spanjës. Kjo ndeshje përfundoi me epërsi minimale të Baselit, falë Zhegrovës, përcjell albinfo.ch.

 

---