Rama: Gjermania dhe Greqia, gati për njohjen e patentë shoferëve të Shqipërisë

Gjermania dhe Greqia nisin procedurën për zbatimin nga qeveria federale për njohjen e patentave shqiptare,

Pas takimit të djeshëm me Kancelaren gjermane, Angela Merkel, Kryeministri i Republikës së Shqipërisë, Edi Rama, informoi se në muajin shkurt vjen një mision nga ministria e Transporteve e Gjermanisë, qëllimi i të cilit është kryerja e raportit mbi procedurën për zbatimin nga qeveria federale për njohjen e patentave shqiptare, transmeton albinfo.ch.

Ndërkohë, pas miratimit të marrëveshjes nga Komisioni parlamentar grek, qeveria greke ka njoftuar se miratimi i marrëveshjes do të hyjë në procedurën parlamentare në javët e ardhshme.

Kryeministri Edi Rama është shprehur se në shkurt vjen një mision nga Ministria e Transporteve të Gjermanisë, për të bërë një raport në funksion të procedurës që do të kryhet nga qeveria federale për njohjen e patentave.

Rama informoi se ka biseduar për këtë çështje për herë të parë drejtpërdrejt me Kancelaren Merkel ditën e djeshme, shkruan atsh.

“Meqenëse disa miqve këtu u ka kaluar pa e vënë re përmbledhja e djeshme nga Berlini dhe vijojnë përsërisin kërkesën për njohjen e patentave të drejtimit në Gjermani, ju informoj të gjithëve se e kam biseduar këtë kërkesë, zyrtarisht të kahershme në fakt, por për herë të parë drejtpërdrejt me Kancelaren dje. Dhe në shkurt vjen një mision nga Ministria e Transporteve të Gjermanisë për të bërë një raport në funksion të procedurës që do të kryhet nga qeveria federale për njohjen e patentave”, tha Rama.  Albinfo.ch

https://www.facebook.com/Agjencia.Telegrafike.Shqiptare/videos/2515805345360586/

---