Shkalla e papunësisë në Zvicër, në fund të janarit: 2.6 për qind

Shifrat dhe përqindjet e publikuara përfshijnë vetëm ata që janë të regjistruar si të papunë në "RAV". Ndryshe, numri i të gjithë të papunëve, është më i lartë

Papunësia në Zvicër ka shënuar një rritje të vogël në fillim të vitit. Kështu, në fund të janarit të vitit 2020, 121,018 persona kanë qenë të regjistruar si të papunë në qendrat rajonale të punësimit (RAV), shkruan srf.ch.

Shkalla e papunësisë është rritur nga 2.5 për qind sa ishte në dhjetor të vitit 2019, në 2.6 për qind në janar, bën të ditur Sekretariati Shtetëror për Ekonomi (Seco).

Ndërkaq, në krahasim me janarin e vitit 2019, papunësia në fund të janarit 20120 është ulur, transmeton albinfo.ch. Në këtë datë kishte 2944 persona të papunë më pak se në janar 2019, kur shkalla e papunësisë kishte qenë 2.7 për qind.

Siç dihet tashmë, shifrat dhe përqindjet e publikuara përfshijnë vetëm njerëzit që janë të regjistruar si të papunë në Qendrat Rajonale të Ndërmjetësimit për Punësim (RAV)

Ndryshe numri i të gjithë të papunëve, pra edhe i atyre që nuk janë regjistruar, është më i lartë.

---