Dy shqiptarë të involvuar në plan sulmi terrorist në Gjenevë

Sot gazeta «Le Temps“ shpalosi një projekt atentati terrorist monstruoz kundër rafinerisë në Gjenevë-Vernier që kishin planifikuar ithtarët e Shtetit islamik gjatë viteve 2018 dhe 2019, dhe dyshohet se dy shqiptarë, të arrestuar që nga 2018, kanë qenë të involvuar.

Pas një hulumtimi gazetaresk disamuash, gazetarja e Le Temps bën me dije se Zvicra, respektivisht Gjeneva, por edhe Bazeli, kanë qenë nën kanosje serioze të fanatizmit islamik salafist. Caku i terroristëve të dyshuar ka qenë rafineria e Vernier, përcjell albinfo.ch.

Falë shërbimeve sekrete amerikane, shërbimet e informimit të Zvicrës kanë ndërmarrë masa për ta parandaluar aktin terrrosit që synonte, në prill apo maj 2019, eksplodimin e rezervoareve të petrolit të Gjenvës, i cili kishte mundur të ketë pasoja dramatike ndaj popullatës së lagjeve Lignon-Vernier.

Sipas raportimit të gazetës të sipërfolur, e përcjellë nga albinfo.ch, sulmi në fjalë është zbehur veçanërisht pas arrestimit, në gusht 2018, të dy shqiptarëve, në rrugë për të shkuar në Gjenevë, i ndihmuar nga një ithtar, i ashtuquajturi Daniel D., zviceran i konvertuar me qëndrime ekstremiste.

Nga viti 2001, 77 persona kanë ikur nga Zvicra për të shkuar në krah të forcave të ISIS-it në Siri, mes tyre 31 e kanë shtetësinë zvicerane, 18 nga ato kanë dyshtetësi.