Deputetja Pacolli: Ambasadorja Çitaku të shkarkohet për lajmin e rremë

Xhamajka mohoi njohjen e pavarësisë së Kosovës

Sot është bërë e ditur se  ministrja e Jashtme xhamajkane, Kamina J. Smith, mohoi faktin se Xhamajka e ka njohur pavarësinë e Kosovës, vjen një reagim i ashpër nga deputetja e Lëvizjes Vetëvendosje, njëherësh nënkryetarja e parë e Komisionit për Punë të Jashtme dhe Diasporë, Fitore Pacolli.

Përmes një postimi në Facebook, Pacolli theksoi se nëse lajmi është i pavërtetë, ambasadorja kosovare, Vlora Çitaku, duhet të shkarkohet menjëherë.

POSTIMI I PLOTË:
Siç po duket shumë shpejt aksioni për pastrimin e Shërbimit të Jashtëm do të prekë edhe ambasadorë.

Nëse informatën e pavërtetë për njohje ka dhënë ambasadorja Çitaku, ajo duhet të mbahet përgjegjëse e të japë llogari. Kosovës tani i duhen ambasadorë kompetentë, profesionalë, të përgjegjshëm e në shërbim për të mirën e shtetit. Nuk kemi nevojë për ambasadorë që shpërndajnë informata të pavërteta.

Nëse vërtet lajmi për njohje nga Xhamajka është i pavërtetë, ambasadorja Çitaku duhet të shkarkohet menjëherë dhe t’i kërkohet llogari.

---