Shqipëria, ndër të paktat vende të paprekura në Europë

Harta e re për koronavirusin

Së fundi Wikipedia ka publikuar hartën e re për përhapjen e koronavirusit, ku Kina ‘nxin’ prej vdekjeve me 2870 dhe 79 mijë e 826 të prekur. Ndërkohë në Europë Shqipëria është ndër të paktat që nuk është prekur, së bashku me Portugalinë, Serbinë, Kosovën, Malin e Zi, Bosnjën, Slloveninë, Ukrainën, Moldavinë, Çekinë, Sllovakinë dhe Letoninë.

Thuhet se sa i përket rajonit ballkanik, Greqia, Maqedonia e Veriut, Kroacia dhe Rumania kanë konfirmuar rastet e pakta të prekura, por të izoluara, ndërsa dyshime ka për Bullgarinë dhe Turqinë.

Në botë Italia, Irani dhe Koreja e Jugut janë vendet më problematike dhe të prekura pas Kinës, të cilat Wikipedia i ka vendosur ngjyrën e kuqe. Më pak problematike sitauta është në kontinentet e Amerikës së Jugut, ku në Guajanën franceze ka një viktimë dhe 2 të prekur në Brazil. Kurse në Afrikë të prekura janë Egjipti që rekuperoi dy rastet e vetme, Algjeria dhe Nigeria, përcjell albinfo.ch.

---