Liverpool – Milot Rashica, ky është lajmi i fundit

Klopp dëshiron ta ndërtojë një skuadër të dytë.

Liverpooli do të ketë buxhet të mjaftueshëm për të shpenzuar në afatin kalimtar veror, teksa drejtori Michael Edwards është duke shikuar ta ndërtojë reputacionin e tij si ‘maestro i negociatave’.

Trajneri i Liverpoolit, Jurgen Klopp, e di se ka nevojë për prurje të reja në fund të edicionit për ta vazhduar dominimin në elitën e futbollit anglez, raporton “The Athletic”.

Klopp dëshiron të bëjë diçka në Liverpool që nuk e ka bërë më parë – ta ndërtojë një skuadër të dytë të suksesshme.

Në mesin e futbollistëve do të zbarkojnë gjatë verës te kampioni i Evropës është edhe vushtrriasi Milot Rashica.

Sipas mediumit të lartcekur, Rashica tashmë është në ‘radarin’ e trajnerit Klopp.

Derisa Xherdan Shaqiri pritet të largohet në fund të këtij edicioni, Rashica është synim i madh i Liverpoolit në verë.

Madje, Liverpooli e ka vëzhguar atë në ndeshje.

Përveç tij, në listë të Liverpoolit janë edhe Timo Werner, Samuel Chukwueze, Todd Cantwell dhe Diego Carlos.

---