Aldi dhe Lidl u paguajnë punëtorëve bonuse speciale për rrezikun në punë

Aldi Suisse gjithashtu mbështetet në sistemin e kuponave: me një kupon që vlen deri në 400 franga për person

Ata janë duke punuar në ndërrime speciale dhe gjithë kohën i ekspozohen rrezikut të infeksionit: Për këtë arsye,  punonjësit e kompanive të shitjes me pakicë “Lidl Schweiz” dhe “Aldi Suisse” do të shpërblehen për përpjekjet e tyre, shkruan srf.ch.

“Lidl Schweiz” ka vendosur të paguajë shpërblime të veçanta për 3500 punëtorët e  saj në marketet dhe depo që i ka në Zvicër, bonuse që arrijnë në mbi 1 milion franga, transmeton albinfo.ch.

Pjesa e parë e bonusit, me vlerë 350 franga për punonjës, ishte paguar tashmë në trajtë të kuponave për blerje mallrash, tri javë më parë, përcjell albinfo.ch. Ndërsa pjesa tjetër do të paguhet në prill.

Aldi Suisse gjithashtu mbështetet në sistemin e kuponave: me një kupon që vlen deri në 400 franga për person, distribuuesi dëshiron t`u thotë “faleminderit” më shumë se 2.500 punonjësve të vet në shitje dhe logjistikë.

---