Kryeministri Johnson: Britania po e kalon kulmin e pandemisë

Kryeministri britanik, Boris Johnson, tha se vendi po e kalon “kulmin” e pandemisë dhe premtoi se gjatë javës së ardhshme do të paraqesë një strategji të daljes nga izolimi.

“Unë mund të konfirmoj sot se për herë të parë, ne jemi duke kaluar kulmin e kësaj sëmundje”, tha Johnson.
Johnson i bëri komentet gjatë konferencës së parë për media, që prej se u shërua nga sëmundja COVID-19.

Britania e Madhe është e dyta në Evropë për numrin e vdekjeve të shkaktuara nga koronavirusi i ri.

Autoritetet kanë njoftuar se numri i përgjithshëm i viktimave ka arritur në 26,000, përcjell Albinfo.ch