Spanja fillon hapjen graduale

Keystone

Spanja është ndër vendet më të prekuara nga pandemia e koronavirusit, jo vetëm për nga numri i të infektuarve por edhe nga rastet e vdekjeve nga ky virus.

Pas më shumë së dy muajsh pothuajse izolimi të plotë, vendi ka filluar rihapjen graduale.
Në rrugët e Spanjës, qytetarët kanë filluar të dalin për shëtitje për herë të parë në disa javë, pas lehtësimit të masave anti-COVID-19 në vend.

Spanja është përballur me një nga shpërthimet më të mëdha të koronavirusit – më shumë se 213,000 raste të prekura dhe 24,500 viktima dhe kishte hyrë në izolim në mars.

Qytetarët ishin të lejuar të dalin vetëm për të blerë ushqime apo barna, apo për të shkuar në punë në rast të pamundësisë për të punuar nga shtëpia.

Deri javën e kaluar, Spanja ishte një nga vendet ku fëmijët nuk mund të dilnin fare nga shtëpia, përcjell Albinfo.ch