Barcelona i rikthehet stërvitjeve

Ndonëse, La Liga nuk ka caktuar ende datën kur mund të luhet sërish

Barcelona i nisi stërvitjet këtë të premte. Skuadra spanjolle i zvhlloi stërvitjet në “Cuitat Esportiva”, por në rrethana më ndryshme nga ato të zakonshmet, kjo për faktin se stërvitjet zhvilloheshin individuale dhe me distancë soaciale.

Sipas faqes zyrtare të Barcelonës, lojtarët kanë bërë ushtrime të ndryshme me top dhe pa top, por më së shumti pati vrapime në mënyrë që lojtarëve t’iu kthehet ngadalë forma fizike që u mungon pas pushimit të gjatë.

“Lojtarët kanë ushtruar në termine të ndryshme nga mëngjesi. Kjo rutinë do të vazhdojë edhe të shtunën”, ka njoftuar klubi katalunas në faqen zyrtare.

La Liga nuk e ka caktuar ende datën se kur mund të luhet sërish, por kthimi në stërvitje është shenjë e parë e rikthimit të shpejtë të kampionatit.

---