Shkencëtarët italianë pretendojnë se kanë zhvilluar vaksinën kundër koronavirusit

Shkencëtarët italianë pretendojnë se kanë zhvilluar vaksinën e parë që mund të vrasë koronavirusin.

Studiuesit thonë se ata planifikojnë të bëjnë provën e parë te njerëzit në vjeshtë pas testeve laboratorike të kryera në minj, shkruan The Sun.

Rezultatet paraprake nga testet laboratorike treguan se antitrupat e krijuar gjatë provës te minjtë ishin në gjendje të ndalonin qelizat njerëzore të infektoheshin me koronavirus.

Luigi Aurisicchio, shef ekzekutiv i Takis Biotech tha: “Me sa dimë ne, jemi të parët në botë deri më tani që kemi demonstruar një neutralizim të koronavirusit me anë të një vaksine”.

Janë të shumtë shkencëtarët dhe kompanitë, të cilët po përpiqen të zhvillojnë një vaksinë kundër Covid-19.

Testimi te njeriu në Evropë filloi nga Universiteti i Cambridge në Britani, ndërsa në SHBA nga kompania gjermane e bioteknologjisë BioNTech.

---