A do të heqë UEFA kualifikimin për Ligën e Kampionëve dhe Ligën e Evropës

UEFA po has në vështirësi për të gjetur hapësira në kalendar për fazën ku luajnë edhe klubet kosovare.

Pandemia koronavirus ia ka prishur çdo llogari dhe plan UEFA-s.

Mediumi britanik “The Times” shkruan se shtëpia e futbollit evropian po e merr në konsideratë heqjen e kualifikimeve për Ligën e Kampionëve dhe Ligën e Evropës, përcjell GE.

Mbetet të shihet se si dhe kur mund të zhvillohet kjo fazë, ku marrin pjesë edhe klubet kosovare.

Sezoni i ri i garave evropiane është paraparë të nis në muajin tetor.

Dhe, pasi sezoni aktual i Champions e Europa League nuk ka përfunduar ende, janë shtuar dyshimet për ta gjetur një hapësirë për fazën eliminuese të sezonit 2020/2021.

Gjithçka do të varet nëse sezoni aktual i këtyre dy turneve mund të mbyllet në muajin gusht.

---