Nju-Jorku fillon rihapjen më 15 maj

Në Nju-Jork faza e parë e lehtësimit të masave kundër koronavirusit do të nisë më 15 maj, ka njoftuar Guvernatori Andrew Cuomo.

Ai tha se nga e premtja bizeneset me rrezik të ulët do të rihapen.

“Ky është hapi i radhës i madh në rrugën tonë historike”, tha Cuomo në konferencën për media.

Numri i rasteve të reja me koronavirus në Nju-Jork ka vazhduar të bjerë.

Kurba e të infektuarve atje ndodhet tani në nivelin e 20 marsit, kur ka pasur afro 520 raste të reja.

Autoritetet shëndetësore thanë se në 24 orët e fundit kanë regjistruar 207 viktima të reja, përcjell Albinfo.ch.