A gënjeu Kina kur raportoi vetëm rreth 90 mijë të infektuar me COVID-19?

Shifrat që Pekini i kishte paraqitur që nga fillimi janë parë me skpeticizëm.

Të dhënat e fundit tregojnë që Kina mund të ketë pasur qindra mijëra të tjerë që ishin prekur nga koronavirusi, por që publikisht nuk janë bërë të ditur.

Sipas zyrtarëve atje, të raportuar ishin 84.029 raste me koronavirus që ishin përhapur pothuajse në gjithë territorin, të cilat shifra që nga fillimi ishin parë me skepticizëm.

Tani të dhënat e zbuluara brenda Universitetit Kombëtar të Mbrojtjes së Teknologjisë në qytetin Changsha tregojnë se Kina mund të ketë pasur 640 mijë raste me COVID-19.

Këto informacione që kanë rrjedhë nga baza e të dhënave, i ka parë Foreign Policy dhe 100 Reporters. Ata thonë se të dhënat tregojnë se 640 mijë persona janë infektuar nga më shumë se 230 qytete në mbarë Kinën.

Të dhënat që i kanë parë tregojnë edhe spitalet, qendrat, hotelet, marketet, stacionet e trenave, restorantet dhe shkollat ku janë raportuar këto raste.

E bazuar në të dhënat del se në Kinë ishin infektuar të paktën 640 mijë persona, e jo siç ishte raportuar më herët dhe vazhdimisht kritikohej qeveria kineze nga Perëndimi për mostransparencë.

---