Sipas Bankës Botërore, 60 milionë persona do të përballen me varfëri ekstreme

Koronavirusi do të ndikojë në jetët e pothuajse 60 milionë personave.

Presidenti i Bankës Botërore, David Malpass, ka thënë se për shkak të koronavirusit, pothuajse 60 milionë persona do të përballen me “varfëri ekstreme”.

Gjithashtu tha se Banka pret që për 5 për qind të tkurret ekonomia gjatë këtij viti.

Situata e krijuar pas pandemisë ka ndikuar në humbjen e miliona vendeve të punës dhe dëmtimin e bizneseve, sidomos në vendet më të varfra.

“Miliona burime për jetesë janë shkatërruar dhe sistemet e kujdesit shëndetësor janë në tension në gjithë botën”, ka thënë ai.

“Vlerësimi ynë është që deri në 60 milionë persona do të shtyhen drejt varfërisë ekstreme gjë  që do ta zhdukë përparimin e bërë në  eleminimin e varfërisë në tre vjetët e fundit”, shtoi ndër të tjera ai.

Sipas Bankës Botërore, “varfërinë ekstreme” do të thotë kur një person jeton me më pak se 1.90 dollarë në ditë, përcjell albinfo.ch.

Malpass ka thënë se 100 shtete, që janë shtëpi për 70 për qind të popullsisë në botë, tani kanë siguruar financa emergjente.

 

---