Përdorimi i ChatGPT-së nga një ndihmës i kryeministrit britanik, Andy Burnham, për të kërkuar komente mbi një fjalim ka nxitur reagime politike në Britani.
Bashkëpunëtori u fotografua në një tren nga Londra drejt Holyheadit, teksa kërkonte vlerësime për draftin e fjalimit të Burnham në konferencën e laburistëve të Uellsit, përcjell albinfo.ch.
Fotografia u publikua nga gazeta Mail on Sunday. ChatGPT kishte sugjeruar mënyra për t’i dhënë tekstit më shumë ngarkesë emocionale.
Downing Street sqaroi se kryeministri e shkruan vetë pjesën më të madhe të fjalimeve dhe se ndihmësi kishte kërkuar vetëm komente për një draft të përgatitur tashmë.
Rasti u shfrytëzua për kritika nga kryetari i Reform UK, Lee Anderson, i cili vuri në pikëpyetje imazhin e Burnham si politikan pranë njerëzve të zakonshëm./Albinfo.ch
