Lufthansa nga mesi i qershorit do të rifillojë fluturimet në disa zona turistike

Kompania gjermane e fluturimeve Lufthansa ka njoftuar se nga mesi i qershorit do të rifillojë fluturimet për 20 destinacione turistike.

Destinacionet përfshijnë zonat turistike në Spanjë, Greqi, Itali dhe disa vende tjera, tha ajo, duke shtuar se të gjitha aeroplanët do të fluturojnë nga Frankfurti.

Gjatë javës së ardhshme do të njoftohet për destinacionet tjera.

Më parë, Lufthansa ka vendosur të rifillojë fluturimet për në Los Anxhelos, Toronto dhe Mumbai.

Kjo kompani, sikurse shumë kompani tjera ajrore, kanë qenë në bllokim pothuajse të plotë për shkak të pandemisë së koronavirusit.

Kompania njoftoi më 21 maj se po negocion me Qeverinë gjermane për një ndihmë financare, përcjell Albinfo.ch