Shqipëri: 57 raste të reja me koronavirus

(KEYSTONE/Jean-Christophe Bott)

Ditën e sotme është shënuar një tjetër rekord negativ për sa u përket numrit të infektimeve me koronavirus në Shqipëri.

Sipas Top Channel, gjatë 24 orëve të fundit në gjithë Shqipërinë kanë rezultuar pozitivë me Covid-19, 57 persona.

Ky është numri më i lartë i infektimeve deri më tani në vendin tonë. Kujtojmë se një shifër kaq të lartë Shqipëria nuk  e ka shënuar edhe në kulmin e pandemisë, kur vendi ishte në izolim.

Ndërkohë ditët e fundit në kryeqytet, por edhe në qytete të tjera të vendit është vënë re një neglizhim nga qytetarët, duke mos respektuar distancën fizike, apo përdorimin e maskave.

Ndërkohë një ditë më parë në vendin tonë u shënuan 48 raste pozitive me koronavirus, ndërsa ka pasur edhe një rritje të të shtruarve në spital, 4 më shumë se dje. Ndërkohë, hartës së qyteteve të prekura është shtuar edhe Gjirokastra, ku ditën e djeshme ka shënuar rastin e parë.