Lajme

Kosovarët që vizitojnë Kroacinë do të vetizolohen për 14 ditë

E mërkurë, 24 Qershor 2020 - 17:40 albinfo.ch

Kroacia ka kthyer masën e karantinimit 14-ditor për vizitorët nga Kosova dhe nga tre vende të tjera të rajonit, pas rritjes së rasteve të reja me koronavirus javën e fundit, kanë njoftuar autoritetet kroate sot.

Nën masën e përkohshme, që hyn në fuqi të enjten, vizitorët – përfshirë edhe ata me pasaportë kroate – nga katër shtete të Ballkanit: Kosova, Bosnja, Maqedonia e Veriut dhe Serbia, duhet të vetizolohen për dy javë, ka bërë të ditur ministri i Brendshëm kroat, Davor Bozhinoviq.

Ata që shfrytëzojnë Kroacinë për rrugë transit nuk janë të obliguar të karantinohen, e as s’janë të obliguar për këtë masë vizitorët nga dhjetë shtete të Bashkimit Evropian, për të cilat Kroacia ka hapur kufijtë më 1 qershor.