Kosovë: Qeveria merr masa të reja, kufizon lëvizjen për disa komuna

Kryeministri i Kosovës, Avdullah Hoti, pas mbledhjes me krerët e shëndetësisë në vend, ka prezantuar sot masat e reja administrative që do të ndërmerren me qëllim të parandalimit të përhapjes së mëtejme të COVID-19.

Ai ka thënë se në mbledhjen e qeverisë sonte do të vendoset për kufizimin e lëvizjes për 5 komunat më të prekura.

“Në qytetet ku ka numër të madh do të kufizohet plotësisht lëvizja. Nga sonte në Prishtinë, Prizren, Ferizaj, Vushtrri. Do të kufizojmë plotësisht lëvizjen nga ora 21 deri në orën 5 në mëngjes. Do të përcjellim pastaj lëvizjet e numrave me infektime”, ka thënë Hoti, raporton albinfo.ch.

Po ashtu do të reduktohen punëtorët e institucioneve dhe do të punohet vetëm me staf esencial.

“Mbyllen të gjitha lokalet e gastronomisë nga ora 21 deri në orën 5 të mëngjesit. Jashtë kufizimit lejohet puna vetëm në hapësira të hapura dhe shërbimin ‘merre me vete’. Numri i njerëzve përgjysmohet nëpër autobusë”, ka thënë Hoti.

Po ashtu, reduktim do të ketë edhe për shërbimet joesenciale.

“Do të reduktojmë numrin e të punësuarve në institucione vetëm në staf të domosdoshëm. Në institucione shëndetësore do të reduktohen të gjitha shërbimet që janë joesecenciale që presin”, ka thënë Hoti.

Hoti gjithashtu ka treguar se do t’i takojë kryetarët e komunave që të krijojnë shtabet.

Ndërsa, nga sot të gjitha lokalet e gastronomisë do të mbyllen nga ora 21:00 deri në 5 të mëngjesit.

“Sa u përket bizneseve. Mbyllen të gjitha lokalet e gastronomisë nga ora 21 deri në orën 5 të mëngjesit. Lejohet puna vetëm në hapësira të hapura dhe take away”, ka thënë Hoti.

 

Gjithashtu ka treguar se edhe numri i njerëzve që do të shfrytëzojnë trafikun urban do të përgjysmohet.

“Numri i njerëzve që shfrytëzojnë një autobus publik përgjysmohet”, ka thënë Hoti.

 

---