Vdes një ushtar amerikan në Kosovë

Ka ndërruar jetë një ushtar amerikan që po shërbente në Kosovë. Lajmin e ka bërë të ditur Departamenti amerikan i Mbrojtjes, përmes një njoftimi.

“Ushtari Alexander Blake Klass, 20 vjeç, nga Uillamina e Oregonit, ka vdekur si rezultat i një incidenti joluftarak më 4 korrik, në kampin në Novo Sellë, Kosovë”, thuhet në njoftim.

Sipas Departamentit amerikan të Mbrojtjes, Klass ishte pjesë e e Batalionit 2, Regjimenti i 162-të i Këmbësorisë, Ekipi Luftarak i Brigadës së Këmbësorisë në Gardën Kombëtare të Oregonit.

Lidhur me rastin kanë nisur edhe hetimet.

Në Kosovë, në kuadër të misionit paqeruajtës të NATO-s, të njohur si KFOR, janë të angazhuar 460 ushtarë amerikanë, nga 4,000 trupa sa janë në total.