A do të ketë ulje të çmimit të maskave në Zvicër?

Keystone

Maska ka qenë një mall i shtrenjtë që nga fillimi i pandemisë së koronës në Zvicër.

Madje, në fund të muajit prill, Këshilltaria Federale, Viola Amherd, kishte thënë se tregu global i maskave ishte aq i vështirë sa individët privatë ose shitësit me pakicë nuk kishin asnjë shans që të gjenin maskë për të blerë.

“Pothuajse vetëm shtetet mund të blejnë maska”, kishte njoftuar ajo në një konferencë për shtyp.

Farmacia e ushtrisë furnizoi shitës me pakicë dhe farmaci të zgjedhura si pjesë e një furnizimi fillestar dhe ende pagoi një çmim njësie deri në 90 centë në blerjen në muajin mars, raportojnë mediat ndërkombëtare, përcjell albinfo.ch.

Tani në korrik situata është krejtësisht e ndryshme. Zinxhirët e furnizimit të shitësve me pakicë, tregtarët me shumicë dhe farmacitë punojnë në mënyrë të pavarur. Prodhimi në Kinë, ku bëhen shumica e maska, po vazhdon përsëri me shpejtësi të plotë, dhe çmimet e blerjeve gjithashtu kanë rënë ndjeshëm.

Që nga e hëna e kaluar vendosja e maskës është kërkuar në gjithë transportin publik zviceran. Në disa kantone, një maskë duhet të vishet edhe për blerje. Me pak fjalë,  Zvicrës i duhen më shumë maska.

Pas këtyre vendimeve, kompanitë e maskave kanë filluar të ulin edhe çmimin  tyre.

Në kompanin e maskave Migros deri para disa ditësh një kuti me 50 maska ​​higjiene kushtonte 34,90 CHF. Ndërsa tani sipas zëdhënësit për media të kësaj kompane, Thomas Kaderli, ato do të shiten për 24.90 franga.

Po ashtu është duke u shqyrtuar mundësia që çmimi i maskave të bie edhe më shumë në ditët në vijim.

Përpara se të shfaqej pandemia COVID-19, çmimi i një maskë në Zvicër ishte 5 centë.