Autoritetet zvicerane: “I hapëm baret dhe klubet e natës herët”

Këtë javë, rreth 240 njerëz janë në karantinë në qytetin zviceran të Fribourg, si rezultat i një personi të infektuar në tri bare dhe klube të natës.

Kjo është e fundit në një seri shpërthimesh të Covid-19 që ndodhën në diskot dhe klubet zvicerane në javët e fundit.

Në përgjithësi, dhjetëra njerëz në rajone të ndryshme të Zvicrës kanë testuar pozitiv, dhe qindra janë nën karantinë parandaluese.

Tani autoritetet shëndetësore po pyesin nëse këto vende duhet të lejohen të vazhdojnë punën e tyre.

“Ne shohim që shumë grupe të infeksionit ndodhin në këto vende. E vërtetë që ne mund t’i kemi hapur ato pak herët”, tha Antoine Flahault, drejtori i Institutit për Shëndetin Global në Universitetin e Gjenevës, për televizionin RTS, përcjell albinfo.ch.

Flahault shtoi se “ne nuk kemi arritur ende në eliminimin e mjaftueshëm të qarkullimit të virusit në të gjithë Evropën. Ndoshta këto diskoteka përfaqësojnë zona të rrezikut dhe duhet të rihapen pak më vonë”.

Asnjë vendim nuk është marrë deri më tani për mbylljen eventuale të të gjitha klubeve dhe diskotekave.

Kur disko dhe klubet e natës u lejuan të rihapeshin në Zvicër më 8 qershor, një nga rregullat ishte distanca mes mysafirëve – e vendosur së pari në 2 metra dhe më pas ndryshuar në 1.5 metra, përcjell tutje albinfo.ch.