Ekspertët shëndetësorë, të shqetësuar për hapjen e shkollave

Keystone EPA/VALDRIN XHEMAJ

Një numër i madh i shkollave dhe universiteteve në shumë shtete të botës kanë filluar të hapen. Ajo që po i mundon të gjithë prindërit është se a do të jenë të sigurt fëmijët nga infektimi me COVID-19, transmeton albinfo.ch.

“Fëmijët thjesht nuk kanë pasur shumë kontakte me mjedisin e jashtëm”, tha korrespodenti kryesor i mjekësisë për CNN, Dr Sanjay Gupta.

“Ndërsa ne po shohim që fëmijët dita-ditës kanë më shumë kontakte me njerëzit jashtë, ne po shohim që numrat po rriten me një ritëm gjithnjë e më të shpejtë. Kjo është arsyeja pse unë jam i shqetësuar për shkollat”, shtoi ai.

Simptomat e COVID-19 janë të njëjta te fëmijët sikurse tek të rriturit, sipas ekspertëve.

“Nëse shikoni listën e gjatë të simptomave si bllokim, kollë, ethe, humbjen e ndjenjës së aromës, të gjitha këto mund të ndodhin si te të rriturit, ashtu edhe te fëmijët”, tha O’Leary.

Shenjat e tjera kryesore përfshijnë vështirësi në frymëmarrje, skuqje, veçanërisht ajo që po përhapet shpejt, mungesë energjie dhe problemet e mbajtjes së një fëmije zgjuar, tha pediatri Dr. Daniel Cohen. /Albinfo.ch