Aktorët shqiptarë, pjesë e serisë “Gangs of London”

Orli dhe Eri Shuka, çifti i aktorëve shqiptarë në Angli, janë pjesë e serisë “Gangs of London”. Në një intervistë për emisonin ‘Për një ditë të mbarë’, artistët tregojnë për përvojën në këtë seri dhe angazhimet e tjera profesionale, përcjell albinfo.ch.

Orli ka mbaruar studimet në Akademinë e Arteve në Tiranë dhe në vitin 1999 zhvendoset në Londër. Karrierën e tij të aktrimit e fillon në vitin 2004. Me një karrierë të suksesshme në kinematografinë britanike, ai ka luajtur me aktorë me famë botërore në filmat “War Machine” dhe “Hyena”.

Eri njihet në vendlindje për rolin në filmin “Darka” të Suela Bakos. Ishte roli i saj në filmin “Hyena”, i cili i bëri bashkë në aktrim dy aktorët shqiptarë.