Kantoni i Cyrihut lejon 300 veta në lokale nga 100 sa ishin deri tani

Në restorante, bare dhe klube, do të lejohet të jenë të pranishëm deri në 300 persona, brenda dhe jashtë, me kusht që të mbajnë maska

Kantoni i Cyrihut ka vendosur të zgjasë masat mbrojtëse nga Covid-19 deri të paktën në fund të tetorit, me disa ndryshime, shkruan srf.ch.

Ndryshimi më i rëndësishëm që bie në sy është ky: Në restorante, bare dhe klube, do të lejohet të jenë të pranishëm deri në 300 persona, brenda dhe jashtë, me kusht që të mbajnë maska, trasnmeton albinfo.ch.

Deri më tani, kishte një kufizim prej 100 personash.

Për aktivitetet me një maksimum prej 100 personash brenda ose një maksimum prej 300 personash në ndërtesa dhe në hapësirën jashtë tyre, maskat e higjienës tani janë të detyrueshme nëse nuk mund sigurohet mbajtja e distancës.

Edhe në lëmin e prostitucionit tani ka një risi: klientët duhet t`i japin të dhënat e tyre të  kontaktit, që do të shërbejnë për gjurmimin e infeksioneve me covid-q9.

Detyrimi për mbajtje të maskës ​​në dyqane, qendra tregtare dhe tregje do të vazhdojë edhe më tutje, përcjell albinfo.ch. Po kështu, do të bëhet edhe më tej mbledhja e të dhënave të kontaktit në restorante.

---