Werderi po pret oferta për Rashicën

(KEYSTONE/DPA/Matthias Balk)

Werderi i kërkon 20 milionë euro për shitjen e përfaqësuesit kosovar, të cilin e pëlqen më së shumti Aston Villa në Angli.

Werder Bremeni është duke pritur oferta për Milot Rashicën.

Klubi gjerman është i vetëdijshëm se ylli kosovar dëshiron të largohet dhe po e kërkon një klub adekuat për të.

Aston Villa thuhet se është klubi më i interesuar për shërbimet e vushtrriasit, por deri tash klubi anglez nuk e ka bërë një ofertë të kënaqshme.

Werderi i kërkon 20 milionë euro për shitjen e përfaqësuesit kosovar.

Drejtori sportiv i Bremenit, Frank Baumann, ka thënë mbrëmë se transferimi i Rashicës është ende i mundshëm në javët e fundit të afatit kalimtar.

“Nuk ka asgjë të re. Është e mundur që atë të mos e shohim duke e veshur më fanellën e Werderit”, ka thënë Baumann.

Ndërkohë, trajneri Florian Kohfeldt ka konfirmuar se futbollisti ofensiv do të mungojë në ndeshjen e së shtunës ndaj Schalkes.

Rashica ishte i lënduar se kishte munguar në ndeshjen e ligës ndaj Hertha Berlinit dhe në Kupë kundër Carl Zeiss Jenas.

Ai ka nisur të stërvitë me ekipin nga e marta, ndërsa po pret lajme të reja për transferimin e tij në një klub tjetër.

Në Gjermani, Rashicën e pëlqen Leipzigu, kurse në Itali e do Napoli.

Por, me shumë gjasë, ai do t’i bashkohet klubit nga Premierliga, Aston Villa.