Zvicër: 550 infeksione dhe një i vdekur gjatë 24 orëve të fundit

Megjithëse numri 550 është dukshëm më i madh se ai i ditëve të kaluara, ai e vë mesataren e 7 ditëve të fundit në 312, që është për 22 për qind më e ulët se në javën e kaluar

Zyra Federale e Shëndetit Publik ka raportuar sot 550 raste të reja që kishin rezultuar pozitive në testet e bëra për koronavirusin, shkruan srf.ch.

Megjithëse numri 550 është dukshëm më i madh se ai i ditëve të kaluara, ai e vë mesataren e 7 ditëve të fundit në 312, transmeton albinfo.ch. Dhe kjo mesatare është për 22 për qind më e ulët se në javën e kaluar.

Shkalla e rezultateve pozitive të 7 ditëve të fundit aktualisht është 3.7 për qind. Kjo do të thotë se nga 100 teste, rreth 4 teste kishin rezultuar pozitive.

Vëllimi mesatar i testimeve të bëra në 7 ditët e fundit është 9,675 teste në ditë, ose 18 për qind më i ulët se në javën e kaluar.

BAG ka raportuar sot edhe një vdekje të re nga Covid-19. Numri i të shtruarve të rinj në spitale është 7 persona mesatarisht në 7 ditët e fundit, përcjell albinfo.ch. Kjo është 30 për qind më pak se në javën e kaluar.

---