8 të infektuar, i gjithë fshati rrezikon të futet në karantinë

Në një afishe të vendosur në shesh, komuna ka shkruar: Nëse situata përkeqësohet, duhet të merren "masa më të rrepta",  si "karantina kolektive"

Në fshatin malor Jaun të kantonit të Fiburgut, tetë persona janë infektuar me koronavirus  brenda pak ditësh. Tre prej tyre duhej të shtroheshin në spital, shkruan portali nau.ch. Ky është një numër mjaft i lartë për një fshat ku jetojnë vetëm 650 banorë.

Tani fshati kërcënohet nga bllokimi, transmeton albinfo.ch. Në një afishe të vendosur në shesh, komuna ka shkruar: Nëse situata përkeqësohet, duhet të merren “masa më të rrepta”,  si “karantina kolektive”.

Kryetari i bashkisë përgjegjës thotë se ky formulim nuk ka ardhur nga ai. Kantoni ia kishte diktuar atij në këtë mënyrë. Ai është shprehur i habitur se si kantoni ka futur në përdorim një “artileri kaq të rëndë”, përcjell albinfo.ch.

Nga ana e tyre, autoritetet e Kantonit nuk kanë dhënë asnjë koment për këtë.

---