Lajme

586 pacientë me Covid-19, të shtruar në spitalet zvicerane

97 njerëz kishin nevojë për kujdes intensiv dhe 29 persona i ishin nënshtruar ventilimit, tregojnë më tej shifrat e publikuara

E hënë, 19 Tetor 2020 - 18:20 albinfo.ch
(KEYSTONE/Ti-Press/Alessandro Crinari)

Saktësisht 586 pacientë me Covid-19 janë aktualisht nën përkujdesje në spitalet zvicerane, shkruan srf.ch.

Ky numër është bërë i ditur në mbrëmjen e të hënës (sot) nga Shërbimi Mjekësor i Koordinuar i Ushtrisë.

97 njerëz kishin nevojë për kujdes intensiv dhe 29 persona i ishin nënshtruar ventilimit, tregojnë më tej shifrat e publikuara, transmeton albinfo.ch.

Kantoni i Bernës me 69 dhe ai i St. Gallenit me 60 pacientë Covid-19 kanë regjistruar më së shumti pacientë me këtë virus.

Gjithsej 6353 shtretër të lirë ishin ende në dispozicion të hënën. Ndërsa kapaciteti total i shtretërve spitalorë në Zvicër është 22.301.

 Të ngjashme

Shqiptar apo zviceran? Një brez mes rrënjëve dhe integrimit

 Të tjera nga Lajme

Mediat zvicerane i bëjnë jehonë shqiptarit që hyri në veturën në flakë për të shpëtuar katër të rinj

 E-Diaspora

 Jeta në Gjermani