Sllovenia ashpërson masat kundër pandemisë

Keystone

Sllovenia njoftoi se do të shtrëngojë masat kundër përhapjes së koronavirusit të ri që e shkakton sëmundjen COVID-19.

Autoritetet do të ndalin udhëtimit midis komunave të vendit, njoftoi të hënën agjencia e lajmeve – STA.

Masa do të jetë në fuqi në gjithë vendin, nga e marta, për të paktën një javë, tha qeveria sllovene.

Kjo masë do të shfuqizohet në zonat ku situata epidemiologjike do të përmirësohet.

Masa shënon përpjekjen e fundit të qeverisë për të frenuar shkallën dramatike të përhapjes së koronavirusit.

Më parë këtë muaj, qeveria e kryeministrit Janez Jansa kufizoi udhëtimin midis rajoneve dhe vendosi për zhvillimin e mësimit në distancë, shkruan rel, transmeton Albinfo.ch.

Sllovenia ka më pak se 2.1 milionë banorë. Gjatë vikendit ky vend raportoi gati 14,300 raste aktive të koronavirusit, raporton DPA.