58 të vdekur nga tërmeti në Turqi e 2 në Greqi

Keystone

Të paktën 60 persona raportohet se kanë vdekur nga tërmeti i fuqishëm që kishte goditur Turqinë dhe Greqinë. 58 kanë vdekur në shtetin turk, ndërsa dy të rinj kanë vdekur në ishullin Samos të Greqisë.

Dridhjet që ndodhën gjatë së premtes lanë pas edhe mbi 900 të lënduar, ndërsa ministri i Shëndetësisë turke, Fahrettin Koca, deklaroi të dielën se nuk dihet numri i saktë i personave që kanë mbetur nën rrënoja. Ekipet e kërkimit dhe shpëtimit janë tërë kohën të aktivizuara, ndërsa autoritetet thonë se rreth 103 persona kishin shpëtuar nga rrënojat.

Rreth 20 ndërtesa janë shembur në qytetin e Izmirit, shumica e tyre në zonën Bayrakli.