Vetëkarantinohet kreu i OBSH-së

Kreu i Organizatës Botërore të Shëndetësisë, Tedros Adhanom Ghebreyesus tha sot se ai është vetëkarantinuar pas kontaktit me një person pozitiv me COVID-19, por vuri në dukje se nuk ka simptoma të virusit.

“Unë jam identifikuar si një kontakt i dikujt që ka rezultuar pozitiv me COVID-19”, tha ai në Twitter.

“Jam mirë dhe pa simptoma, por do të vetëkarantinohem gjatë ditëve të ardhshme, në përputhje me protokollet e OBSH-së dhe do të punoj nga shtëpia”, shtoi Ghebreyesus.

Kreu i OBSH-së tha se është shumë e rëndësishme që të gjithë të jenë në përputhje me udhëzimet shëndetësore, sepse kjo është mënyra se si do të thyhen zinxhirët e transmetimit COVID-19, të shtypet virusi dhe të mbrohen sistemet shëndetësore.