Ka ndërruar jetë Enver Foniqi, ish-kryetar i shoqatës “17Shkurti.Ch”

Është bërë e ditur se pas një sëmundje të rëndë para pak minutash në spitalin e Zvicrës ka vdekur Enver Dalip Foniqi, shkruan albinfo.ch.

Enver Foniqi, i lindur më 10 tetor 1973, ai jetoi bashkë me familjen e tij në Dobërçan, shkollën fillore e kreu në Dobërçan, shkollën e mesme në Gjilan, ndërsa studimet i vazhdoi në Prishtinë.

Po ashtu, i ndjeri pasi i kreu studimet, shërbeu si profesor i gjuhës angleze në shkollën fillore “Nazim Hikmet” në Dobërçan, pas disa viteve ai shkoi në Zvicër, ku jetoi dhe punoi atje.

Enver Foniqi ishte një aktvist i palodhur në shoqatën 17Shkurti, ishte ndër ideatorët e parë për të themeluar shoqatën në vitin 2009, pas një kohe ai u bë kryetar i shoqatës, ku shërbeu suksesshëm për dy vjet.

Ishte në ballë të organizimeve të mëdha në fshat dhe kurrë nuk është ndalur së kontribuar për të mirën e përgjithshme. /Albinfo.ch