Vetëm një rast me Covid në 24 orët e fundit në Zelandën e Re

Zelanda e Re po cilësohet si model suksesi në botë

Zelanda e Re ka regjisturar vetëm 1 raste infektimi në 24 orët e fundit, sipas raportimeve nga mediat atje, transmeton albinfo.ch.

Zelanda e Re ka treguar një sukses të paparë në menaxhimin e situatës së pandemisë. Ky shtet gjatë muajve maj, qershor dhe korrik ka kaluar 100 ditë pa regjistruar asnjë rast të vetëm të koronavirusit nga komuniteti, diçka që duket se është e vështirë të imagjinohet në krahasim me betejën e shteteve të tjera që po përballen, transmeton tutje albinfo.ch.

Duhet theksuar se Zelanda e Re deri më tani ka regjistruar 1,974 infeksione dhe ka gjithsej 44 raste aktive. /Albinfo.ch

---