Mijëra përkrahës të presidentit Trump, protestë në Washington

Mediat amerikane kanë raportuar se mijëra konservatorë të mbledhur në qendër të Washingtonit për një protestë të madhe kundër rezultateve të zgjedhjeve, përcjell albinfo.ch.

Njerëzit, të shumtë në numër, kanë mbushur rrugët vetëm disa blloqe larg Shtëpisë së Bardhë.

Siç shkruan CNN, shumica e protestuesve janë përkrahës të përditshëm të Trumpit në disa grupe që identifikohen si ekstremë të djathtë, supremacistë të bardhë, ose të njohur për teori konspirative.

Ata që ishin mbledhur disa orë para se të niste protesta u panë të ngazëllyer kur autokolona e presidentit Trump kaloi nga vendi i ngjarjes. Disa prej tyre vrapuan drejt limuzinës së tij ndërsa po kalonte.

Trump më pas bëri një postim në Twitter, duke thënë se ishte i emocionuar derisa shihte protestuesit kundër zgjedhjeve. Ndërsa, në një tjetër postim, Trump shkroi se mediat nuk po e tregojnë numrin e vërtetë të protestuesve, pavarësisht se i kanë reporterët aty.

.@FoxNews and the Fake News Networks aren’t showing these massive gatherings. Instead they have their reporters standing in almost empty streets. We now have SUPPRESSION BY THE PRESS. MAGA! https://t.co/RMOa4jKZwA

— Donald J. Trump (@realDonaldTrump) November 14, 2020