BE së shpejti me ligj që ndalon propagandat ekstremiste në internet

Ministrat e Bashkimit Evropian kanë thënë se blloku duhet të adoptojë një ligj këtë vit duke obliguar firmat e interneteve të largojnë propagandat ekstremiste brenda një ore pasi të marrin raportim për to, shkruan BBC, përcjell Albinfo.ch.

BE-ja ka diskutuar një rregullore të tillë për më tepër se një vit, por sulmet e fundit terroriste në Francë dhe Austri e kanë bërë këtë çështje më urgjente.

Ministrat e Brendshëm kanë thënë se teksti duhet të arrijë së shpejti pajtimin me Komisionin e BE-së dhe Parlamentin Evropian.

Po ashtu kanë kërkuar më tepër shkëmbime të dhënave brenda BE-së dhe një kontroll më sistematik të kufijve.

Si ministri i Brendshëm i Gjermanisë, Horst Seehofer, ashtu edhe komisioneria për marrëdhënie të Brendshme në BE, Ylva Johansson, kanë kërkuar që të arrihet pajtim deri në Krishtlindje për një rregullore re “për përmbajtje terroriste online (TCO)”.