Xhudistja Loriana Kuka ‘e bronztë’ në kampionatin evropian

Foto: KOK (Fb)

Xhudistja Loriana Kuka ka shënuar një sukses të jashtëzakonshëm në Kampionatin Europian që po zhvillohet në Pragë.

Ajo ka arritur të rrëmbejë medaljen e bronztë në kategorinë deri 78 kilogramë.

Në garë për të bronztën ajo e mposhti xhudisten italiane, Giorgia Stangherlin.

Kjo është medalja e dytë e Kosovës në këtë garë, pasi dje në këtë kampionat Distria Krasniqi rrëmbeu poashtu medaljen e bronztë, shkruan eonline, transmeton Albinfo.ch.

Kuka pas triumfit të Lorianës: Kosovës po i vijnë dy medalje

Pas fitimit së medaljes së bronztë në Kampionatin Evropian nga Loriana Kuka, trajneri i saj, Driton Kuka, ka thënë se Kosovës po i vijnë dy medalje.

Kuka pas ndeshjes ka thënë se pengesat e shkaktuara nga COVID-19 i ndalën tre garuesit kosovarë në këtë Kampionat, mirëpo me tre të tjerë, Kosova i fitoi dy medalje. Pos fitores së sotme, edhe Distria Krasniqi ka fituar të premten medaljen e bronztë