BE-ja siguron 160 milionë doza të vaksinës Moderna

Bashkimi Evropian ka arritur një marrëveshje për deri në 160 milionë doza të firmës amerikane Moderna, kandidat për vaksinat, tha të martën kreu i Komisionit Evropian, duke e çuar rezervën e mundshme të BE-së të COVID-19 në gati 2 miliardë, shkruan “Reuters”, përcjell albinfo.ch.

Javën e kaluar Moderna tha se vaksina e saj eksperimentale ishte 94.5% efektive në parandalimin e COVID-19, bazuar në të dhënat e ndërmjetme nga një provë klinike në fazën e vonë.

“Jam i lumtur të njoftoj se nesër do të aprovojmë një kontratë të re për të siguruar një tjetër vaksinë COVID-19”, tha Ursula von der Leyen, duke shtuar se marrëveshja “na lejon të blejmë deri në 160 milionë doza të një vaksine të prodhuar nga Moderna”.

Blerjet aktuale do të kryhen nga qeveritë e BE-së, nëse vaksina aprovohet nga rregullatori i ilaçeve të BE-së.

Afati i dorëzimit është i panjohur. Dozat do të ishin të mjaftueshme për të vaksinuar 80 milionë njerëz, pasi vaksina pritet të administrohet në dy doza, përcjell tutje albinfo.ch.