Gjermania ka regjistruar rekord vdekjesh si pasojë e Covid

Keystone ( AP Photo/Markus Schreiber)

Është bërë e ditur se Gjermania ka regjistruar rekord vdekjesh si pasojë e COVID-19 në 24 orët e fundit, raporton Reuters, përcjell Albinfo.ch.

Shteti i madh evropian ka regjistruar 410 vdekje si pasojë e virusit, thuhet në raportin e fundit nga autoritetet gjermane.

Lajmi vjen në kohën kur kancelarja Angela Merkel do të takohet me liderët e 16 shteteve për të diskutuar për masat që pritet të merren për periudhën e festave të fundvitit.

Numri i rasteve të reja u rrit për 18 mijë e 633, duke e çuar totalin në 961 mijë e 320, sipas të dhënave të Institutit “Robert Koch”. Kjo është për 1072 më shumë se një ditë më herët, por 5015 më pak se rekordi i regjistruar të premten. /Albinfo.ch