Biden, rekord absolut prej 80 milionë votash

Keystone (AP Photo/Andrew Harnik).Joe Biden,Jill Biden

Është bërë e ditur se dyshja presidenciale Joe Biden-Kamala Harris kaloi pragun e 80 milionë votave (80 026 721), një rekord absolut për një president të zgjedhur të SHBA-së, ndërkohë që numërimi presidencial nuk ka përfunduar plotësisht, thekson CBS, përcjell albinfo.ch.

Po ashtu, CBS kujton se Donald Trump, me 73 890 295 vota të vlefshme, është deri tani i dyti në histori për votat e siguruara gjatë zgjedhjeve presidenciale.

Ndërkohë. mbajtësi i medaljes së bronzit në historinë amerikane është Barack Obama, i cili gjatë mandatit të parë më 2008 arriti të marrë 69,5 milionë vota.

Transmetuesi amerikan kujton se 159 milionë amerikanë kanë votuar këtë vit, rreth 66,7% në total, një përqindje pjesëmarrjeje që nuk ishte regjistruar që prej vitit 1900. /Albinfo.ch