Merreni vaksinën edhe nëse keni kaluar Covid-19

Këshilla nga eksperti kryesor amerikan i sëmundjeve infektive, Anthony Fauci

Anthony Fauci, eksperti kryesor amerikan i sëmundjeve infektive, po këshillon qytetarët e vendit të tij, të cilët e kanë kaluar koronavirusin ose dyshojnë se e kanë, që ta bëjnë vaksinën në të ardhmen, gjithsesi.

Në një intervistë të fundit, drejtori prej një kohe të gjatë i Institutit Kombëtar të Alergjisë dhe Sëmundjeve Infektive theksoi se dyshon se njerëzit e infektuar më parë do të parandalohen të kryejnë vaksinën dhe se nuk ka asnjë arsye të besojë se marrja e vaksinës do t’i dëmtojë ata që kanë kaluar Covid-19.

“Unë mendoj se nuk duhet të jetë aspak shqetësuese”, tha Fauci, duke inkurajuar amerikanët të marrin vaksina pasi të jenë në dispozicion, transmeton ATSH.

Dy prodhues, Pfizer dhe Moderna, kanë përfunduar provat e tyre dhe kanë zbuluar se kandidatët e tyre për vaksina janë rreth 95% të efektshëm në parandalimin e sëmundjeve, përcjell albinfo.ch.

Pfizer ka paraqitur një kërkesë për autorizim urgjence për vaksinën e saj nga Administrata e Ushqimit dhe Barnave, e cila mund të jepet që në mes të dhjetorit.

---