OBSH në kërkim të gjenezës së koronavirusit

Kreu i OBSH-së premtoi sot se do të bënte gjithçka për të zbuluar origjinën e virusit që shkaktoi pandeminë COVID-19, duke hedhur poshtë akuzat se agjencia e KB-së i përkulet së tepërmi vullnetit të Kinës.

“Ne duam të dimë origjinën dhe do të bëjmë gjithçka për ta njohur atë”, premtoi Tedros Adhanom Ghebreyesus, agjencia e të cilit shpreson të dërgojë së shpejti një ekip shkencor ndërkombëtar në terren, në rajonin kinez të Wuhan, i konsideruar si djepi i pandemisë, raporton Afp, transmeton Albinfo.ch.

“Nuk ka asgjë për të fshehur”, tha ai.

“Pozicioni i OBSH-së është shumë, shumë i qartë, ne duhet të dimë origjinën e këtij virusi, sepse ai mund të na ndihmojë të parandalojmë epidemitë në të ardhmen”, tha Ghebreyesus.

Ekipi ndërkombëtar i përbërë nga dhjetë shkencëtarë të njohur në fushat e tyre të ndryshme të ekspertizës ka për mision të kthehet në origjinën e virusit dhe të dijë se si ai u transmetua te njerëzit, por ende nuk ka mundur të udhëtojë në Kinë, atje ku pandemia filloi në fund të vitit 2019