Anglia do të vaksinojë 20 milionë persona

Keystone (Alexander Zemlianichenko Jr/ Russian Direct Investment Fund via AP)

Tashmë Britania e Madhe është bërë vendi i parë në botë që miraton vaksinën Pfizer / BioNTech për përdorim të gjerë. Enti rregullator britanik, MHRA, thotë se gjilpëra, e cila ofron mbrojtje deri në 95% kundër sëmundjes Covid-19, është e sigurt për t’u bërë.

Imunizimet mund të fillojnë brenda ditësh për njerëzit që kanë përparësinë më të madhe.

Duhet theksuar se Britania e Madhe tashmë ka porositur 40 milionë doza – të mjaftueshme për të vaksinuar 20 milionë njerëz, me dy shpime secilën dozë.

Ndërkohë në raportin shëndetësor thuhet se rreth 10 milionë doza duhet të jenë në dispozicion së shpejti dhe dozat e para mbërrijnë në Britani në ditët në vijim. Kjo është vaksina më e shpejtë që ka kaluar ndonjëhërë, nga koncepti në realitet, vetëm 10 muaj pas zhvillimit kur hapat normalisht zgjasin një dekadë.

Megjithëse vaksinimi mund të fillojë, njerëzit ende duhet të qëndrojnë vigjilentë dhe të zbatojnë rregullat e koronavirusit për të ndaluar përhapjen, thonë ekspertët. Kjo do të thotë të qëndrosh në distancën shoqërore dhe maskat e fytyrës, dhe të testosh njerëzit që mund të kenë virusin dhe t’u kërkosh atyre të izolohen.