Presidentja Sommaruga donte masa më të ashpra por u mbivotua

Presidentja aktuale, Simonetta Sommaruga dëshironte të shkonte më tej - dhe automatikisht të përjashtonte kantonet nga vendimmarrja, në momentin kur do të arriheshin nivele të caktuara të rasteve

Siç është shkruar tashmë, ministri shëndetësisë, Alain Berset u ka dhënë disa kantoneve një ultimatum: Nëse kantonet me numër të lartë të rasteve nuk vendosin ndonjë masë të re deri të martën, Këshilli Federal do ta bëjë vetë këtë, në vend të kantoneve.

Por, presidentja aktuale, Simonetta Sommaruga dëshironte të shkonte më tej – dhe automatikisht të përjashtonte kantonet nga vendimmarrja, në momentin kur do të arriheshin nivele të caktuara të rasteve.

Sipas ekipit editorial të Tamedia, rregullorja e Berset-it nuk ishte mjaft e ashpër për anëtarët e caktuar të Këshillit Federal.

Prandaj, Presidentja Federale Simonetta Sommaruga, në një letër të brendshme ka folur për shfuqizimin e pjesshëm të kantoneve që po veprojnë keq, përcjell albinfo.ch. Ajo me këtë rast ka kërkuar të ashtuquajturin “sistem semafori”, të ngjashëm me atë të përdorur në Austri.

Nëse një kanton tejkalon pragjet e caktuara, masat e Këshillit Federal duhet të hyjnë në fuqi automatikisht. Por shumica e ministrave në qeveri ka hedhur poshtë këtë propozim.

 

---